Kefir

Kefir ( rus. Kefir ) — sigir sutidan tayyorlanadigan sut kislotali parhez ichimlik. U pasterizatsiyalangan yoki yog'sizlangan sigir sutidan qaymoqni olib tashlamasdan tayyorlanadi. Unga sut kislotasi va spirtli fermentatsiya jarayonini hosil qiluvchi K. qoʻziqorini yoki maxsus ozuqaviy muhitda tayyorlangan tomchi qoʻshib achitiladi. Tayyorlanish vaqtiga ko'ra kefirning yangi (bir kunlik), o'rtacha (ikki kunlik), nordon (uch kunlik) turlari mavjud. Kefir qancha uzoq sovutilsa, shuncha ko'p spirt (0,2 dan 0,6% gacha), sut kislotasi va karbonat angidrid to'planadi. Sutni qayta ishlash korxonalarida ko'p miqdorda yog'li (3,2% sut yog'i) va kam yog'li (sut yog'i 0,05% dan ko'p bo'lmagan) kefirlar ishlab chiqariladi. Kefir tarkibidagi sut kislotasi va achituvchi bakteriyalar oshqozon va ichakdagi zararli mikroblarni yo'q qilishga yordam beradi, ich qotishidan xalos qiladi.[1]